September 20, 2018, Sports News

بھارت کیخلاف میچ کے دوران فخر زمان نے ”قومی ٹومی“ کیساتھ ایسا سلوک کر ڈالا کہ بھارتی کرکٹر بھی ’چیخ‘ اٹھے، جان کر آپ کو بھی بے حد غصہ آئے گا

ایشیاءکپ میں پاکستان اور بھارت کا میچ ہو گیا جو بھارت نے جیت لیا اور اب شائقین کرکٹ اس ٹورنامنٹ میں دوسرے پاک، بھارت ٹاکرے کے منتظر ہیں اور ماہرین کرکٹ پاکستانی ٹیم کی خامیوں کی نشاندہی کرنے کیساتھ اگلے میچ میں جیت کیلئے ’ٹوٹکے‘ بتانے میں مصروف ہیں۔

پاکستان اور بھارت کے میچ کے دوران ایک ایسا واقعہ بھی پیش آیا جو کئی لوگوں کیلئے تکلیف دہ ثابت ہوا جبکہ بھارت کے سابق مایہ ناز کرکٹر سنیل گواسکر نے تو اس کا اظہار بھی کر دیا جس کے باعث پاکستانیوں کیساتھ بھارتی بھی حیران ہیں اور غصے کا اظہار بھی کر رہے ہیں۔ فخر زمان یوں تو دھواں دار بلے بازی سے شہرت رکھتے ہیں مگر کل کے میچ میں بیٹنگ ناکام ہونے پر کپتان نے انہیں باﺅلنگ میں آزمانے کافیصلہ کیا اور 18 واں اوور کرانے کیلئے گیند فخر زمان کو تھما دیا جنہوں نے اپنے سر پر پہنی کیپ اتار کر امپائر کو دینے کے بجائے اسے الٹا کر کے پہن لیا تاکہ باﺅلنگ میں پریشانی نہ ہو۔
سنیل گواسکر کو فخر زمان کی یہ حرکت اچھی نہیں لگی جن کا کہنا ہے کہ یہ ’قومی ٹوپی‘ ہے جس کا احترام کرنا چاہئے جبکہ ایسا کرنے پر کپتان یا پھر کسی اور کھلاڑی کو چاہئے تھا کہ وہ فخر زمان کو سمجھائے۔ آپ پاکستان سپر لیگ (پی ایس ایل) میں شائد ایسا کر سکتے ہوں مگر یہ قومی ہے۔
انہوں نے بھارتی کھلاڑی دنیش کارتک کو بھی آڑے ہاتھوں لیا جنہوں نے اپنی جرسی کے پیچھے مکمل نام کے بجائے صرف وہ حروف تہجی ہی لکھوا رکھے ہیں جن سے ان کا نام شروع ہوتا ہے، یعنی دنیش کارتک کی جگہ ’ DK‘ لکھا ہوا ہے۔ سنیل گواسکر نے کہا کہ اس طرح کی چیزیں کرکٹرز کو زیب نہیں دیتیں اور میرے کلب مینٹور کہا کرتے تھے کہ اگر آپ کرکٹر نہیں بن سکتے تو کم از کم ایک کرکٹر کی طرح کپڑے ضرور پہنیں۔

Like Our Facebook Page

Latest News